2024-01-23 23:13:27, 868 ნახვა
მსოფლიო
სლოვაკეთის პრემიერი - უკრაინის დედაქალაქში ცხოვრება „აბსოლუტურად ნორმალურია“ და იქ ომი არ არის
უკრაინის დედაქალაქში ცხოვრება აბსოლუტურად ნორმალურია და იქ ომი არ არის, - ამის შესახებ სლოვაკეთის პრემიერ-მინისტრმა, რობერტ ფიცომ განაცხადა.
ჟურნალისტის შეკითხვაზე, თუ რატომ აპირებს ის უკრაინის პრემიერ-მინისტრთან, დენის შმიგალთან შეხვედრას უჟგოროდში და არა კიევში, სადაც ომის შედეგების დანახვას უკეთ შეძლებდა, ფიცომ აღნიშნა, რომ ის განსხვავებას ვერ ხედავს.
„არსებობს კონფლიქტი, რომელიც ლოკალიზებულია. სერიოზულად ფიქრობთ, რომ კიევში ომია? თქვენ ალბათ ხუმრობთ, იმედია, არასერიოზულად ამბობთ. წადით იქ და გაიგებთ, რომ ქალაქში ნორმალური ცხოვრებაა, აბსოლუტურად ნორმალური ცხოვრება. რატომ უნდა წავიდე კიევში, როცა შემიძლია, პრემიერ-მინისტრს უჟგოროდში შევხვდე? მე ვერ ვხედავ განსხვავებას“, - განაცხადა ფიცომ.
ავტორი: ექსპრესნიუსი,
epn.ge (@expressnews.ge)
