ევროკავშირის უმაღლესმა წარმომადგენელმა ჟოზეფ ბორელმა უკრაინაზე თავდასხმა "მხდალი" და განურჩეველი თავდასხმა უწოდა.
„ღამით, რუსეთმა ერთ-ერთი ყველაზე მასიური შეტევა განახორციელა უკრაინის ქალაქებსა და მოსახლეობაზე ქვეყანაში სრულმასშტაბიანი შემოჭრის შემდეგ“, - ეს არის რუსეთის კიდევ ერთი მხდალი, განურჩეველი თავდასხმა სკოლებზე, მეტროს სადგურზე და საავადმყოფოზე.”

„ევროკავშირი მხარს დაუჭერს უკრაინას მანამ, სანამ საჭირო იქნება“, - დასძინა ბორელმა.

გაეროს ადამიანის უფლებათა უმაღლესმა კომისარმა ვოლკერ ტურკმა დაგმო პარასკევს უკრაინაზე განხორციელებული მასიური სარაკეტო თავდასხმა. მან მოსკოვს მოუწოდა „დაუყოვნებლივ“ შეწყვიტოს დაბომბვა.

„შოკირებული ვარ ღამით უკრაინის ტერიტორიაზე რუსული სრულმასშტაბიანი კოორდინირებული სარაკეტო და შეტევების სერიის გამო. საერთაშორისო ჰუმანიტარული კანონი პირდაპირ კრძალავს თავდასხმებს, რომლებიც მიზანმიმართულია სამოქალაქო ობიექტებზე, ისევე როგორც განურჩეველ თავდასხმებს ნებისმიერ გარემოებებში.

Ukrayinska Pravda-ს ცნობით, ყველა დაზარალებულ ქალაქში სარაკეტო თავდასხმის შედეგად სულ მცირე 22 მშვიდობიანი მოქალაქე დაიღუპა და 132 დაშავდა. უკრაინის პოლიციამ ოფიციალურად დაადასტურა 18 დაღუპული.

ავტორი: ექსპრესნიუსი,

სოციალური ქსელები

ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო

რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს