საქართველოში მობილური ტექნოლოგიების განვითარების ახალი ეტაპი დაიწყო - სელფი მობაილმა, ქართულმა მობილურმა ოპერატორმა, რომელიც საქართველოს მასშტაბით 1.3 მილიონზე მეტ მომხმარებელს ემსახურება, დღეს გუდაურში, ოფიციალურ ცერემონიაზე, მოწინავე ტელეკომუნიკაციების სფეროში ტექნოლოგიის, 5G-ის დანერგვა აღნიშნა.

5G ტექნოლოგია, რომელიც მომხმარებლებს მომსახურების ფუნდამენტურად ახალ შესაძლებლობებს სთავაზობს, უკვე სრულად ხელმისაწვდომია გუდაურსა და ბაკურიანში, ასევე თბილისის ორ უბანში - დიდუბესა და დიდ დიღომში.

სელფის 5G ქსელი თბილისში საპილოტე რეჟიმში 21 ნოემბერს ჩაირთო და ამ დრომდე ის უკვე 5,000-ზე მეტმა მომხმარებელმა გამოიყენა.

აღსანიშნავია, რომ სელფი 5G-ს  ნერგავს მსოფლიოში წამყვანი ტექნოლოგიური კომპანია Nokia-ს დანადგარებით, რომელთანაც  ხელშეკრულება მიმდინარე წლის აგვისტოში გაფორმდა.

კონტრაქტის ფარგლებში სელფი 5G-ს მთელი საქართველოს მასშტაბით ავითარებს. სელფი ასევე ფლობს ლიცენზიას 5G ქსელის წარმატებით და სრულყოფილად დასანერგად საჭირო სიხშირული რესურსის გამოყენებაზე.

სელფი საქართველოში მოწინავე ციფრული მობილური ოპერატორია, რომელიც გამოირჩევა ბაზარზე წამყვანი ტექნოლოგიური ინოვაციების შემოტანით. სელფის სტრატეგიასთან სრულ თანხვედრაშია კომპანიის გადაწყვეტილება, დაენერგა საქართველოში პირველი 5G.

სელფი, არსებული ქსელის განახლებასა და გაფართოებასთან ერთად, აქტიურად განაგრძობს 5G ქსელის შენებას.

ახალი თაობის უსადენო ინტერნეტტექნოლოგიის დანერგვით, რომელიც მაქსიმალურად გაზრდის მობილური ინტერნეტის სიჩქარეს და მინიმუმამდე შეამცირებს შეფერხებებს, საკომუნიკაციო სექტორთან ერთად, სრულიად ახალ საფეხურზე გადავა ისეთ უმნიშვნელოვანესი დარგები, როგორებიც არის: ჯანდაცვა, განათლება, ბიზნესი, სოფლის მეურნეობა, ინფრასტრუქტურა და სხვ.

ავტორი: ექსპრესნიუსი,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა