უკრაინამ, 22 დეკემბრის ღამეს, რუსეთის მიერ გაშვებული 28 დრონიდან 24 გაანადგურა. აღნიშნულის შესახებ ინფორმაციას უკრაინის შეიარაღებული ძალების საჰაერო ძალები Telegram-ზე ავრცელებს.

საჰაერო ძალების ცნობით, უპილოტო საფრენი აპარატების გაშვება სამი მიმართულებით დაფიქსირდა - ყირიმიდან, რუსეთის ტერიტორიის პრიმორსკო-ახტარსკის რაიონიდან და კურსკის ოლქიდან.

"22 დეკემბრის ღამეს, ოკუპანტებმა ყირიმიდან დრონები გაუშვეს. სულ დაფიქსირდა Shahed-136/131-ის ტიპის 28 უპილოტო საფრენი აპარატიდან 24-ის ჩამოგდება. თავდასხმის მოგერიებაში მონაწილეობდნენ საბრძოლო თვითმფრინავები, საზენიტო-სარაკეტო დანაყოფები და უკრაინის თავდაცვის ძალების მობილური სახანძრო ჯგუფები.

დრონები კიევის, ოდესის, მიკოლაივის, ხერსონის, ჟიტომირის, რივნესა და ხმელნიცკის რაიონებში ჩამოვაგდეთ", - აღნიშნულია ინფორმაციაში.

ავტორი: ექსპრესნიუსი,

სოციალური ქსელები

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა