უკრაინასთან გაწევრიანების მოლაპარაკებების დაწყება არის ცუდი გადაწყვეტილება. უნგრეთი არ იღებდა მონაწილეობას ამ გადაწყვეტილების მიღებაში, - ამის შესახებ უნგრეთის პრემიერ-მინისტრი ვიქტორ ორბანი სოციალურ ქსელ X-ში (ყოფილ Twitter-ზე) წერს.

ორბანის თქმით, მოცემულ გარემობებეში უკრაინასთან წევრობის მოლპარაკებების დაწყება არის სრულიად აზრს მოკლებული და არარაციონალური.

„ჩვენ მოლაპარაკებების მაგიდასთან ვიყავით თითქმის რვა საათის განმავლობაში ბრიუსელში სამიტზე. ჩვენ გვაქვს დიდი დებატები ევროკავშირში უკრაინის წევრობის შესახებ. უნგრეთის პოზიცია მკაფიოა, უკრაინა არ არის მზად, დაიწყოს ევროკავშირში გაწევრიანების მოლაპარაკებები. ამ გარემობებეში უკრაინასთან წევრობის მოლპარაკებების დაწყება არის სრულიად აზრს მოკლებული, არარაციონალური, არასწორი გადაწყვეტილება და უნგრეთი არ შეიცვლის თავის პოზიციას. მეორე მხრივ, დანარჩენმა 26-მა ქვეყანამ დაჟინებით მოითხოვა ამ გადაწყვეტილების მიღება. შესაბამისად, უნგრეთმა გადაწყვიტა, რომ თუ 26-მა ქვეყანამ გადაწყვიტა ამის გაკეთება, ისინი საკუთარი გზით უნდა წავიდნენ. უნგრეთს არ სურს, მონაწილეობა გაიზიაროს. ეს ცუდი გადაწყვეტილებაა და ამ მიზეზით უნგრეთს არ მიუღია მონაწილეობა დღევანდელ ამ გადაწყვეტილებაში“, - აცხადებს ორბანი სოციალურ ქსელში გამოქვეყნებულ ვიდეომიმართვაში.

ცნობსითვის, ევროპულმა საბჭომ მიიღო გადაწყვეტილება, რომ უკრაინასთან და მოლდოვასთან გაწევრიანების შესახებ მოლაპარაკებები დაიწყოს. 

ავტორი: ექსპრესნიუსი,

სოციალური ქსელები

იაროსლავის ოლქში, პიროტექნიკის საწყობში გაჩენილ ხანძარს 14 ადამიანი ემსხვერპლა

მოსკოვის მახლობლად მდებარე ქალაქებში ბენზინგასამართი სადგურებიდან ბენზინი გაქრობას იწყებს

საქართველოს ნაკრებისა და უკრაინის მატჩი ფრედ დასრულდა

პუტინმა გერმანელ მფლობელებს „მეტროს“ ჰიპერმარკეტების ქსელი ჩამოართვა