2023-12-13 23:56:49, 748 ნახვა
მსოფლიო
ევროკომისიამ უნგრეთისთვის 10 მილიარდი ევროს დახმარების განბლოკვას მხარი დაუჭირა
ევროკომისიამ ევროკავშირის გაყინული ფონდიდან უნგრეთისთვის 10 მილიარდი ევროს გამოყოფას მხარი დაუჭირა. აღნიშნული გადაწყვეტილება ევროკომისიამ 14-15 დეკემბრის სამიტის წინ მიიღო.
ევროკომისიის ცნობით, ამგვარად უნგრეთს შეუძლია, ქვეყნის განვითარებისთვის 10,2 მილიარდი ევროს ღირებულების პროექტების ანაზღაურება მოითხოვოს.
ევროკომისიის განცხადებით, ეს გადაწყვეტილება უნგრეთის მიერ სასამართლო რეფორმაში შეტანილი ცვლილებების პასუხი იყო და აღნიშნავენ, რომ გაყინული თანხების განბლოკვა ვიქტორ ორბანის პოზიციის შეცვლის მიზნით არ მომხდარა.
მანამდე, უნგრეთის პრემიერ-მინისტრმა, ვიქტორ ორბანმა განაცხადა, რომ უნგრეთს შეუძლია მოხსნას უკრაინის სახსრებზე ვეტო, თუ ევროკავშირი მთელ გაყინულ თანხებს განბლოკავს.
ავტორი: ექსპრესნიუსი,
epn.ge (@expressnews.ge)
