2023-12-09 18:51:48, 948 ნახვა
მსოფლიო
უკრაინის რადა ევროკავშირის წევრ ქვეყნებს მოუწოდებს, უკრაინის შესახებ მოლაპარაკებების დაწყებას მხარი დაუჭირონ
უკრაინის უმაღლესი რადა ევროკავშირის წევრ ქვეყნებსა და ინსტიტუტებს მოუწოდებს, 15 დეკემბრის სამიტზე უკრაინის წევრობის შესახებ მოლაპარაკებების დაწყებას მხარი დაუჭირონ.
შესაბამის მიმართვას რადას 292-მა დეპუტატმა დაუჭირა მხარი.
ამასთან, უკრაინის რადა ევროკავშირს მოუწოდებს, გააგრძელოს უკრაინელი ხალხის მხარდაჭერა უკრაინის სახელმწიფო სუვერენიტეტისთვის, მისი ტერიტორიული მთლიანობის აღდგენისთვის, ასევე საერთო ევროპული ღირებულებებისთვის ბრძოლაში.
რაც შეეხება ევროკავშირის ინსტიტუტებს, რადამ მათ მოუწოდა, რომ რუსეთზე ზეწოლის გასაგრძელებლად შესაბამისი შემაკავებელი ზომების მომდევნო პაკეტები მიიღონ.
ავტორი: ექსპრესნიუსი,
epn.ge (@expressnews.ge)
