ისრაელის პრემიერ-მინისტრი ბენიამინ ნეთანიაჰუ უფლებადამცველ და ქალთა ორგანიზაციებს, ასევე გაერთიანებული ერების ორგანიზაციას აკრიტიკებს და აცხადებს, რომ ისინი ტერორისტული დაჯგუფება "ჰამასის" მიერ ისრაელელი ქალების მიმართ ჩადენილი გაუპატიურებებისა და სხვა სისასტიკეების შესახებ ხმამაღლა არ საუბრობენ.

თელ-ავივში თავდაცვის მინისტრ იოავ გალანტთან და ომის კაბინეტის წევრ ბენი განცთან ერთად გამართულ პრესკონფერენციაზე ნეთანიაჰუმ თქვა, რომ ის გათავისუფლებულ მძევლებს და მძევლად მყოფთა ნათესავებს შეხვდა.

"მე მოვისმინე ძალადობის გულისამაჩუყებელი ისტორიები. მე გავიგე სექსუალური ძალადობისა და სასტიკი გაუპატიურების უპრეცედენტო შემთხვევების შესახებ",- ამბობს ნეთანიაჰუ და დასძენს, რომ ამის მიუხედავად, ქალთა და უფლებადამცველი ორგანიზაციების შეშფოთება აღნიშნულის თაობაზე არ გაუგია.

"ჩუმად ხართ, რადგან ისინი ებრაელი ქალები არიან?! მივმართავ ქალთა უფლებების დამცველ ორგანიზაციებს, უფლებადამცველ ორგანიზაციებს, გსმენიათ ისრაელელი ქალების გაუპატიურების, მათ მიმართ საშინელი სისასტიკისა და სექსუალური დასახიჩრების შესახებ? სად ჯანდაბაში ხართ? მე ველოდები, რომ ყველა ცივილიზებული ლიდერი, მთავრობა, ერი ილაპარაკებს ამ სისასტიკის წინააღმდეგ",- განაცხადა ისრაელის პრემიერ-მინისტრმა.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა