მივესალმები „ჰამასსა“ და ისრაელს შორის მძევლების გათავისუფლების შესახებ მიღწეულ შეთანხმებას, - ამის შესახებ ამერიკის შეერთებული შტატების პრეზიდენტმა, ჯო ბაიდენმა განაცხადა.

ბაიდენის თქმით, ზოგიერთი მძევალი, რომელმაც „ენით აღუწერელი განსაცდელი გაიარა“, შეთანხმების განხორციელებისთანავე ოჯახებს დაუბრუნდება.

„მივესალმები ტერორისტულ ჯგუფება „ჰამასსა“ და ისრაელს შორის მძევლების გათავისუფლების შესახებ მიღწეულ შეთანხმებას. ამ მრავალი კვირის განმავლობაში მძევლები და მათი ახლობლები ჩემი და ჯილის გულებში იყვნენ. მე უზომოდ მოხარული ვარ, რომ რამდენიმე მამაცი სული, რომლებმაც ტყვეობაში ყოფნა და ენით აუწერელი განსაცდელი გადაიტანეს, კვლავ შეუერთდებიან თავიანთ ოჯახებს, როგორც კი ეს შეთანხმება სრულად შევა ძალაში...

როგორც პრეზიდენტს, მე არ მაქვს უფრო მაღალი პრიორიტეტი, ვიდრე მთელ მსოფლიოში მძევლად მყოფი ამერიკელების უსაფრთხოების უზრუნველყოფაა. ამიტომ, „ჰამასის“ სასტიკი თავდასხმის პირველივე მომენტიდან მე და ჩემი ეროვნული უსაფრთხოების გუნდი მჭიდროდ ვთანამშრომლობთ რეგიონულ პარტნიორებთან, რათა ყველაფერი გავაკეთოთ ჩვენი თანამოქალაქეების გასათავისუფლებლად.

აღნიშნული გარიგება მოწმობს დაუღალავი დიპლომატიისა და თავდადებული პიროვნებების მონდომებას შეერთებული შტატების მთავრობაში, რათა ამერიკელები სახლში დაბრუნდნენ“, - განაცხადა ბაიდენმა.

აშშ-ს პრეზიდენტმა, შეთანხმების მისაღწევად გაწეული ძალისხმევისთვის კატარის, ეგვიპტისა და ისრაელის ლიდერებს მადლობა გადაუხადა.

შეგახსენებთ, რომ გუშინ, 21 ნოემბერს ისრაელსა და „ჰამასს“ შორის მოლაპარაკება შედგა, რომლის მიხედვითაც, 4 დღის განმავლობაში, 50 მძევალი 150 პალესტინელი პატიმრის სანაცვლოდ უნდა გათავისუფლდეს. ამ დროის განმავლობაში გამოცხადება ცეცხლის შეწყვეტის პაუზებიც.

შეთანხმებას მხარი ისრაელის მინისტრთა კაბინეტმა უკვე დაუჭირა.

ავტორი: ექსპრესნიუსი,

სოციალური ქსელები

ნეთანიაჰუ არაბთა გაერთიანებულ საემიროებს ეწვია.

იაროსლავის ოლქში, პიროტექნიკის საწყობში გაჩენილ ხანძარს 14 ადამიანი ემსხვერპლა

მოსკოვის მახლობლად მდებარე ქალაქებში ბენზინგასამართი სადგურებიდან ბენზინი გაქრობას იწყებს

საქართველოს ნაკრებისა და უკრაინის მატჩი ფრედ დასრულდა