2023-11-21 21:32:15, 1728 ნახვა

---

ჩეხეთის პრეზიდენტი - უკრაინისათვის წარმატების მისაღწევად საჭირო იარაღის მიწოდება ფერხდება და საჭირო დონეს არ აღწევს

უკრაინისათვის ბრძოლის ველზე წარმატების მისაღწევად საჭირო იარაღის მიწოდება ფერხდება და არ აღწევს საჭირო დონეს, - ამის შესახებ ჩეხეთის პრეზიდენტმა, პეტრ პაველმა განაცხადა.

პაველის თქმით, კონტრშეტევის მომზადებაში დახარჯულმა დრომ რუსებს საშუალება მისცა ძალიან კარგად მომზადებულიყვნენ შეტევისთვის და აღნიშნა, რომ კონტრშეტევა ისე არ ვითარდება, როგორც მოსალოდნელი იყო.

"ეს არ არის საუკეთესო საწყისი წერტილი რთული ზამთრის გადასატანად და მტრის წინააღმდეგ წარმატების მისაღწევად, რომელმაც გამოიყენა დრო, გამოიტანა დასკვნები, გაზარდა სამხედრო წარმოება, გააძლიერა სამხედრო წარმოების გეგმები და დღეს შეუძლია უკრაინაში იმდენი ან მეტი აღჭურვილობისა და საბრძოლო მასალის მიწოდება, ვიდრე ჩვენ შეგვიძლია მივაწოდოთ [უკრაინას] დასავლეთიდან", - განაცხადა ჩეხეთის პრეზიდენტმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი