2023-11-16 14:20:54, 1050 ნახვა
მსოფლიო
იერუსალიმის მახლობლად, საგუშაგოზე თავდასხმა განხორციელდა - არიან დაშავებულები
იერუსალიმის მახლობლად მდებარე საგუშაგოზე თავდასხმა განხორციელდა, რის შედეგადაც რამდენიმე ადამიანი დაშავდა. აღნიშნულის შესახებ ინფორმაციას Sky New-ი ავრცელებს.
როგორც Sky News-ი ისრაელის პოლიციაზე დაყრდნობით წერს, თავდასხმა 3 შეიარაღებული პირისგან შემდგარმა ჯგუფმა განახორციელა. ამასთან, ისრაელი მომხდარს ტერაქტად აფასებს.
"გადასასვლელზე დისლოცირებულმა უსაფრთხოების ძალებმა 3 ტერორისტი გაანეიტრალეს. ეს მოხდა მას შემდეგ, რაც ისინი მივიდნენ საეჭვო მანქანით და ცეცხლი გაუხსნეს ჩვენს ძალებს", - აცხადებენ იერუსალიმის პოლიციაში.
Sky New-ის ცნობით, თავდასხმის გამო იერუსალიმიდან ბეთლემისა და მდინარე იორდანეს დასავლეთ ნაპირის სამხრეთში მდებარე დასახლებებისკენ მიმავალი გზა დაიკეტა.
ავტორი: ექსპრესნიუსი,
epn.ge (@expressnews.ge)
