2023-11-15 08:49:10, 649 ნახვა
მსოფლიო
IDF - ალ-შიფას საავადმყოფოში „ჰამასის“ წინააღმდეგ ოპერაცია დაიწყო
ალ-შიფას საავადმყოფოში „ჰამასის“ წინააღმდეგ ოპერაცია დაიწყო. აღნიშნულის შესახებ ინფორმაციას ისრაელის თავდაცვის ძალები X-ზე (ყოფილ Twitter-ზე) ავრცელებს.
IDF-ს ცნობით, ოპერაცია დაზვერვის ინფორმაციისა და ოპერატიული აუცილებლობის საფუძველზე ხორციელდება.
„ჩვენი მიზანია, არანაირი ზიანი არ მიადგეს მშვიდობიან მოქალაქეებს, რომლებსაც „ჰამასი“ ცოცხალ ფარად იყენებს", - აცხადებენ ისრაელის თავდაცვის ძალებში.
მათივე ცნობით, უკვე არაერთხელ გააკეთეს საჯარო გაფრთხილება, რომ „ჰამასის“ მიერ კლინიკის სამხედრო მიზნებისთვის გამოყენება საფრთხეს უქმნის მის საერთაშორისო კანონმდებლობით დაცულ სტატუსს.
ავტორი: ექსპრესნიუსი,
epn.ge (@expressnews.ge)
