2023-11-08 13:22:23, 973 ნახვა
მსოფლიო
G7 - მხარს ვუჭერთ ჰუმანიტარულ პაუზებსა და დერეფნებს ღაზას სექტორში
იაპონიაში "დიდი შვიდეულის" შეხვედრის პარალელურად, G7-ის ქვეყნები ავრცელებენ განცხადებას, რომელშიც ხაზგასმულია, რომ მხარს უჭერენ ჰუმანიტარულ პაუზებსა და დერეფნებს ღაზას სექტორში.
განცხადება ცეცხლის შეწყვეტის შესახებ მოწოდებას არ შეიცავს.
"ჩვენ ხაზს ვუსვამთ გადაუდებელი ზომების აუცილებლობას ღაზაში გაუარესებული ჰუმანიტარული კრიზისის მოსაგვარებლად. მხარს ვუჭერთ ჰუმანიტარულ პაუზებსა და დერეფნებს, რათა ხელი შევუწყოთ სასწრაფო დახმარებას, სამოქალაქო მოძრაობასა და მძევლების გათავისუფლებას“,- ნათქვამია განცხადებაში.
საგარეო საქმეთა მინისტრების განცხადება ასევე აღიარებს ისრაელის უფლებას, დაიცვას თავი "საერთაშორისო სამართლის შესაბამისად".
ავტორი: ექსპრესნიუსი,
epn.ge (@expressnews.ge)
