მთავრობის სხდომის შემდეგ გამართულ ბრიფინგზე ფინანსთა მინისტრმა, ლაშა ხუციშვილმა 2024 წლის ბიუჯეტის პროექტის გადამუშავებული ვარიანტით გათვალისწინებულ სიახლეებზე ისაუბრა.

როგორც მან აღნიშნა, 2024 წლის ნაერთი ბიუჯეტის ხარჯვითი ნაწილი თავდაპირველად დაიგეგმა 27 მილიარდ 800 მილიონ ლარზე მეტი მოცულობით.

მისი თქმით, გადამუშავებულ ვერსიაში ბიუჯეტი იზრდება 700 მლნ ლარით, რომლის წყაროც იქნება საგადასახადო შემოსავლები.  

ლაშა ხუციშვილის განცხადებით, მიმდინარეობდა აქტიური მუშაობა დამატებითი რესურსების მობილიზებაზე, რისთვისაც გაანალიზდა საბანკო სფეროში 9 თვის განმავლობაში მიმდინარე ტენდენციები, სადაც გამოიკვეთა, რომ მოსალოდნელია საბანკო/საფინანსო სექტორიდან მომდევნო წელს მოგების გადასახადის სახით დამატებით 300 მილიონი ლარის მიღება.

მისი თქმით, ასევე ცვლილებებია გათვალისწინებული სათამაშო ბიზნესის დაბეგვრის მიმართულებით.

„ახალი ინიციატივით, სათამაშო ბიზნესი დაიბეგრება მოგების 15 პროცენტიანი განაკვეთით, ნაცვლად დღეს არსებული 10 პროცენტისა, ხოლო სათამაშო ბიზნესიდან თანხის გატანა დაიბეგრება 5 პროცენტით, დღეს მოქმედი 2 პროცენტის ნაცვლად. აღნიშნული ინიციატივა 2024 წელს მოგვიტანს დამატებით 400 მილიონი ლარის რესურსს. ჯამში, ბიუჯეტის გადამუშავებული ვარიანტი გაიზრდება 700 მილიონ ლარზე მეტით და ნაერთი ბიუჯეტის ხარჯვითი ნაწილი იქნება 28,5 მილიარდი ლარი", - განაცხადა ფინანსთა მინისტრმა, ლაშა ხუციშვილმა.

ავტორი: NS (სტატია დაფინანსებულია),

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები