2023-10-20 09:52:18, 726 ნახვა
მსოფლიო
CNN - ბაღდადის აეროპორტის მახლობლად მდებარე ბაზაზე, სადაც ამერიკელი სამხედროები იმყოფებიან, სარაკეტო იერიში განხორციელდა
ერაყის დედაქალაქ ბაღდადის საერთაშორისო აეროპორტთან სარაკეტო თავდასხმა განხორციელდა. ამის შესახებ ინფორმაციას CNN ამერიკის შეერთებული შტატების თავდაცვის ოფიციალურ წარმომადგენელზე დაყრდნობით ავრცელებს.
მაღალჩინოსნის განცხადებით, ორი რაკეტით იერიში აეროპორტის მახლობლად მდებარე ბაღდადის დიპლომატიური მხარდაჭერის ცენტრზე, ადგილობრივი დროით 02:50 საათზე მიიტანეს. ცენტრში ამერიკელი სამხედროები, დიპლომატიური და სამოქალაქო პერსონალია განთავსებული.
როგორც ოფიციალურმა პირმა თქვა, შემთხვევის შედეგად არავინ დაშავებულა - ერთი რაკეტა კონტრსარაკეტო სისტემამ გააჩერა, მეორე კი, ცარიელს საცავს მოხვდა.
ავტორი: ექსპრესნიუსი,
epn.ge (@expressnews.ge)
