2023-10-14 15:07:10, 773 ნახვა
მსოფლიო
სომხეთის პრეზიდენტმა რომის სტატუსთან შეერთების შესახებ კანონს ხელი მოაწერა
სომხეთის პრეზიდენტმა, ვაჰაგნ ხაჩატურიანმა, ხელი მოაწერა კანონს, რომლითაც სომხეთი სისხლის სამართლის საერთაშორისო სასამართლოს (ICC) რომის სტატუსს შეუერთდა.
მანამდე რომის სტატუტის რატიფიცირება სომხეთის პარლამენტმა, 3 ოქტომბერს მოახდინა.
კანონპროექტს მხარი 60-მა დეპუტატმა დაუჭირა, 22 კი წინააღმდეგ წავიდა.
ცნობისთვის, 17 მარტს ICC-მ რუსეთის პრეზიდენტის, ვლადიმირ პუტინის, დაპატიმრების ორდერი გასცა. რომის სტატუტთან შეერთებით პუტინის დაკავების ვალდებულება სომხურ მხარესაც ექნება.
ავტორი: ექსპრესნიუსი,
epn.ge (@expressnews.ge)
