ბელგიამ, 1,7 მილიარდი ევროს ოდენობით, უკრაინის მხარდასაჭერად შექმნა სპეციალური ფონდი, რომელიც ქვეყანაში გაყინული რუსული აქტივების დაბეგვრის შედეგად შეივსება,- ამის შესახებ ბელგიის პრემიერ-მინისტრმა, ალექსანდრე დე კროომ უკრაინის პრეზიდენტთან, ვოლოდიმირ ზელენსკისთან ერთად გამართულ ბრიფინგზე განაცხადა.

პრემიერის თქმით, ბრიუსელი გააგრძელებს უკრაინის მხარდაჭერას სამ სფეროში, რომელთაგან პირველი-ორი სამხედრო დახმარებას, მესამე კი, ეკონომიკურ სანქციებს ეხება.

"მესამე არის უკრაინის მხარდაჭერის ფონდის შექმნა 1,7 მილიარდი ევროს მოცულობით... ამ ფონდის წყარო იქნება ბელგიაში გაყინული მილიარდობით დოლარის რუსული აქტივები. ფონდი გამოყენებული იქნება სამხედრო ტექნიკის შესაძენად, ჰუმანიტარული მხარდაჭერისთვის, ევროპის მშვიდობის ფონდისთვის, მაკროფინანსური დახმარებისთვის და ა.შ."- განაცხადა ალექსანდრე დე კროომ.

ავტორი: ექსპრესნიუსი,

სოციალური ქსელები

ევროპარლამენტი ევროკავშირში VPN-ების შეზღუდვას განიხილავს

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას