2023-10-05 23:05:53, 716 ნახვა
მსოფლიო
ევროპარლამენტი მოლდოვის ევროკავშირში გაწევრიანების მოლაპარაკებების დაწყებას მხარს უჭერს
დღეს, 5 ოქტომბერს ევროპარლამენტმა მიიღო რეზოლუცია, რომელიც ევროკავშირის ქვეყნებს მოუწოდებს მოლდოვის ევროკავშირში გაწევრიანებაზე მოლაპარაკებები 2023 წელსვე დაიწყონ.
ევროპარლამენტარებმა აღნიშნეს, რომ მოლდოვას ევროკავშირში გაწევრიანება წარმოადგენს გეოსტრატეგიულ ინვესტიციას ერთიანი და ძლიერი ევროპისთვის.
"მოლდოვას ამჟამინდელმა პროდასავლურმა მთავრობამ აჩვენა თავისი მონდომება და უნარი შეასრულოს ევროკომისიის მოთხოვნები გაწევრიანების საკითხზე მოლაპარაკებების დასაწყებად”, - ნათქვამია ევროპარლამენტი პრესრელიზში.
ცნობისთვის, რომ მოლდოვამ EU-ში გაწევრიანებაზე განაცხადი 2022 წლის მარტში შეიტანა, ხოლო რამდენიმე თვის შემდეგ, 2022 წლის ივნისში უკრაინასთან ერთად კანდიდატის სტატუსი მიიღო.
ავტორი: ექსპრესნიუსი,
epn.ge (@expressnews.ge)
