აზერბაიჯანმა მთიანი ყარაბაღის რესპუბლიკის სამი ყოფილი ე.წ. პრეზიდენტი დააკავა

2023-10-03 23:58:25, 603 ნახვა

მსოფლიო

აზერბაიჯანის სახელმწიფო უსაფრთხოების სამსახურმა მთიანი ყარაბაღის სამი ყოფილი ე.წ. პრეზიდენტი - არკადი გუკასიანი, ბაკო საჰაკიანი, არაიკ არუთინუანი და პარლამენტის ყოფილი ე.წ. სპიკერი, დავიდ იშხანიანი დააკავა. ამის შესახებ ინფორმაციას Reuters-ი ავრცელებს.

დაკავებული ექსპრეზიდენტები ბაქოში გადაიყვანეს. დანარჩენმა სამმა ექსპრეზიდენტმა კი მთიანი ყარაბაღი მშვიდობიანად დატოვა და სომხეთში გადავიდა.

მას შემდეგ, რაც აზერბაიჯანულმა მხარემ საბოლოოდ მოიპოვა კონტროლი მთიანი ყარაბაღის რეგიონზე, ყარაბაღი თითქმის 120 000-მა სომეხმა დატოვა.

ყარაბაღიდან სომეხი მოსახლეობის მასობრივი გამგზავრება მას შემდეგ დაიწყო, რაც 19 სექტემბერს აზერბაიჯანმა იქ სამხედრო ოპერაცია დაიწყო.

ავტორი: ექსპრესნიუსი,