2023-09-15 15:50:18, 1082 ნახვა
მსოფლიო
პუტინი - რუსეთი საფრთხეს არავის უქმნის
რუსეთი საფრთხეს არავის უქმნის,- "რია ნოვოსტის" ცნობით, ამის შესახებ რუსეთის ფედერაციის პრეზიდენტმა, ვლადიმერ პუტინმა ბელარუსის პრეზიდენტთან, ალექსანდრ ლუკაშენკოსთან შეხვედრის შემდეგ განაცხადა.
პუტინის თქმით, "ყველაზე დიდი საფრთხე დღეს მსოფლიოში მმართველი ელიტის მიერ არის შექმნილი".
"ჩვენ არავის ვუქმნით საფრთხეს. ყველაზე დიდი საფრთხე, რომელიც დღეს მსოფლიოში იქმნება, დღევანდელი მმართველი ელიტის მიერ არის შექმნილი და სხვათაშორის, თავად საუბრობენ ამაზე. რამდენიმე წლის წინ, თავდაცვის ყოფილმა მდივანმა, ბატონმა გეითსმა თქვა, რომ ყველაზე დიდი საფრთხე თავად შეერთებული შტატებისგან მოდის, იმ ტერიტორიიდან, სადაც კაპიტოლიუმი თუ თეთრი სახლი მდებარეობს. ისინი თავად საუბრობენ ამაზე და საფრთხეს გარეთ ეძებენ",- თქვა პუტინმა.
ავტორი: ექსპრესნიუსი,
epn.ge (@expressnews.ge)
