2023-09-14 17:04:21, 1896 ნახვა
ომი უკრაინაში
კურსკის გუბერნატორი - უკრაინის თავდასხმას რუსეთის ტერიტორიაზე მსხვერპლი მოჰყვა
რუსეთში, კურსკის ოლქში უკრაინის მიერ განხორციელებული დაბომბვის შედეგად, ერთი მოქალაქე დაიღუპა და ერთი დაშავდა. ამის შესახებ ინფორმაციას ოლქის გუბერნატორი რომან სტაროვოიტი ავრცელებს.
სტაროვოიტის თქმით, უკრაინის საზღვართან მდებარე სოფელ ტოიტკინოში დაბომბვას სატვირთო მანქანის მძღოლი ემსხვერპლა.
გუბერნატორმა ასევე აღნიშნა, რომ მომხდარის გამო რეგიონის სხვა სოფლებში ელექტროგადამცემი ხაზები დაზიანდა.
"კაცი სასწრაფო დახმარების მოსვლამდე გარდაიცვალა. ღრმა მწუხარებას გამოვთქვამ გარდაცვლილის ახლობლების მიმართ", - აღნიშნა რომან სტაროვოიტმა.
ავტორი: ექსპრესნიუსი,
epn.ge (@expressnews.ge)
