2023-09-12 18:21:43, 1443 ნახვა
ომი უკრაინაში
შოლცი - სამშვიდობო შეთანხმება „წარმოსახვითი“ არ უნდა იყოს
სამშვიდობო შეთანხმება „წარმოსახვითი“ არ უნდა იყოს, - ამის შესახებ გერმანიის კანცლერმა, ოლაფ შოლცმა ბერლინში, კათოლიკური საზოგადოების კონფერენციაზე გამოსვლისას განაცხადა.
როგორც შოლცი აღნიშნავს, გერმანია უკრაინის მხარდაჭერას გააგრძელებს, ვინაიდან ეს აუცილებელია არა მხოლოდ პოლიტიკური და სტრატეგიული, არამედ სამშვიდობო-ეთიკური თვალსაზრისითაც.
„უკრაინელები ყოველდღე იცავენ სამშობლოს, საკუთარ სიცოცხლეს იმპერიული, ისტორიულად დაბრმავებული, კრემლის მმართველების ფანტაზიებისგან. უკრაინელები ასევე მიისწრაფიან მშვიდობიანი მომავლისკენ, რაზეც მიუთითებს ვოლოდიმირ ზელენსკის სამშვიდობო გეგმა“, - განაცხადა შოლცმა.
ავტორი: ექსპრესნიუსი,
epn.ge (@expressnews.ge)
