2023-09-12 14:04:59, 1510 ნახვა
ომი უკრაინაში
უკრაინამ რუსეთის დრონების ბაზას დაარტყა - სტრატკომი
უკრაინის თავდაცვის ძალებმა დონეცკის ოლქში უპილოტო თვითმფრინავების Zala-სა და Ланцет-ის ბაზას დაარტყეს. აღნიშნულ ინფორმაციას უკრაინული მედია ქვეყნის შეიარაღებული ძალების მთავარსარდლის აპარატის სტრატეგიული კომუნიკაციების ცენტრზე დაყრდნობით ავრცელებს.
როგორც მედია წერს, უწყება არ აკონკრეტებს, რომელი დანაყოფი ასრულებდა აღნიშნულ ოპერაციას და როგორ მოხდა დარტყმა.
"2023 წლის 11 სექტემბერს, დილით, უკრაინის შეიარაღებულმა ძალებმა წარმატებით შეუტიეს ოკუპანტების უპილოტო საფრენი აპარატების ბაზას დონეცკის ოლქის დროებით ოკუპირებულ სოფელ ლუგანსკოეში",- აღნიშნულია უწყების განცხადებაში.
ავტორი: ექსპრესნიუსი,
epn.ge (@expressnews.ge)
