უკრაინამ „ბოიკოს კოშკებზე“ კონტროლი დაიბრუნა

2023-09-11 17:06:59, 1464 ნახვა

ომი უკრაინაში

უკრაინამ „ბოიკოს კოშკებზე“ კონტროლი დაიბრუნა - დაზვერვა

უკრაინამ, ოკუპირებული ყირიმის მახლობლად ნავთობისა და გაზის საბურღ პლატფორმებზე, რომელიც ცნობილია როგორც "ბოიკოს კოშკები", კონტროლი დაიბრუნა.

აღნიშნულ ინფორმაციას უკრაინული მედია ქვეყნის თავდაცვის სამინისტროს დაზვერვის მთავარ სამმართველოზე დაყრდნობით ავრცელებს.

"უკრაინის თავდაცვის სამინისტროს მთავარი სადაზვერვო სამმართველოს ნაწილებმა "ბოიკოს კოშკებზე" კონტროლის დამყარების უნიკალური ოპერაცია ჩაატარეს. ოპერაციის ერთ-ერთი ეტაპის დროს, გემებზე მყოფ უკრაინულ სპეცრაზმსა და რუსულ მოიერიშე თვითმფრინავს შორის ბრძოლა მოხდა. რუსული თვითმფრინავი იძულებული გახდა, უკან დაეხია",- ნათქვამია უწყების განცხადებაში.

ცნობისთვის, "ბოიკოს კოშკები" რუსეთს 2015 წლის შემდეგ ჰქონდა ოკუპირებული.