ლულა და სილვა: პუტინს არ დააპატიმრებენ G20-ის სამიტზე 2024 წელს

2023-09-10 12:57:35, 1060 ნახვა

მსოფლიო

ბრაზილიის პრეზიდენტმა ლუის იგნასიო ლულა და სილვამ განაცხადა, რომ ვლადიმერ პუტინს 2024 წელს G20-ის სამიტზე არ დააპატიმრებენ, თუ მასში მონაწილეობას პირადად გადაწყვეტს. მან დაადასტურა, რომ ეპატიჟება რუსეთის პრეზიდენტს G20-ის მომავალ შეხვედრაზე რიო-დე-ჟანეიროში და გარანტიას უწევდა მის უსაფრთხოებას.

წელს პუტინი არ დაესწრო დელიში G20-ის სამიტს. რუსეთს საგარეო საქმეთა მინისტრი სერგეი ლავროვი წარმოადგენს. პუტინი ასევე არ დაესწრო BRICS-ის სამიტს იოჰანესბურგში: ის შეხვედრებში მონაწილეობდა ვიდეო ბმულით.

შაბათს, G20-ის ქვეყნებმა შეთანხმდნენ დეკლარაციაზე, რომელიც პირდაპირ არ გმობდა რუსეთის სამხედრო ინტერვენციას უკრაინაში. დოკუმენტში მხოლოდ ნათქვამია, რომ ყველა სახელმწიფომ უნდა იმოქმედოს გაეროს წესდების მიზნებისა და პრინციპების შესაბამისად, თავი შეიკავოს საფრთხეებისგან და დაიცვას ნებისმიერი სახელმწიფოს ტერიტორიული მთლიანობისა და პოლიტიკური დამოუკიდებლობის პრინციპი.

ბრაზილია არის რომის სტატუტის ხელმომწერი, რომელიც არის საერთაშორისო სისხლის სამართლის სასამართლოს საფუძველი.
ჰააგის საერთაშორისო სისხლის სამართლის სასამართლომ მარტში ვლადიმერ პუტინისა და რუსეთის ბავშვთა უფლებების ომბუდსმენის მარია ლვოვა-ბელოვას დაპატიმრების ორდერი გასცა. ICC მათ ეჭვობს უკრაინელი ბავშვების რუსეთში იძულებით დეპორტაციაში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,