2023-08-21 12:04:54, 804 ნახვა
მსოფლიო
მედია - ზელენსკი საბერძნეთში, დასავლეთ ბალკანეთის ქვეყნების ლიდერებთან ერთად სამიტზე დასასწრებად გაემგზავრა
უკრაინის პრეზიდენტი ვოლოდიმირ ზელენსკი საბერძნეთში გაემგზავრა, სადაც დასავლეთ ბალკანეთის ქვეყნების ლიდერებთან ერთად სამიტს დაესწრება,- აღნიშნულის შესახებ ინფორმაციას ბერძნული მედია ავრცელებს.
მათი ცნობით, უკრაინის პრეზიდენტი ასევე დაესწრება არაფორმალურ ვახშამ, რომელსაც საბერძნეთის პრემიერ-მინისტრი კირიაკოს მიცოტაკისი უმასპინძლებს.
მედიის ცნობითვე, ღონისძიებას დაესწრებიან დასავლეთ ბალკანეთის ქვეყნების ლიდერები, ევროკომისიის პრეზიდენტი ურსულა ფონ დერ ლაიენი და ევროპული საბჭოს ხელმძღვანელი შარლ მიშელი.
შეგახსენებთ, რომ მანამდე უკრაინის პრეზიდენტი ვოლოდიმირ ზელენსკი სამუშაო ვიზიტით შვედეთში, ნიდერლანდებში და დანიაში ჩავიდა.
ავტორი: ექსპრესნიუსი,
epn.ge (@expressnews.ge)
