2023-08-15 16:05:25, 1004 ნახვა
მსოფლიო
ინდოეთში მეწყერის შედეგად დაღუპულთა რიცხვი 50-მდე გაიზარდა
ინდოეთის ჩრდილოეთ ნაწილში ჩამოწოლილი მეწყერის შედეგად დაღუპულთა რიცხვი 50-მდე გაიზარდა. ამის შესახებ ინფორმაციას Reuters-ი ავრცელებს.
ადგილობრივი ხელისუფლება მსხვერპლთა რაოდენობის ზრდას არ გამორიცხავს, რადგან სამაშველო სამსახურის თანამშრომლები სტიქიური უბედურების დროს დაკარგულ 20 ადამიანს ამ დრომდე ეძებენ.
„კიდევ 20 ადამიანი უგზო-უკვლოდ დაკარგულად ითვლება, მაგრამ რაც დრო გადის, ჩვენ ვკარგავთ იმედს, რომ ისინი ცოცხლები იქნებიან“, - განაცხადა შტატის საგანგებო სიტუაციების მართვის სამინისტროს წარმომადგენელმა, პრავინ ბჰარდვაჯმა.
შეგახსენებთ, ინდოეთის ჩრდილოეთ ნაწილში მეწყერი გუშინ, 14 აგვისტოს ჩამოწვა.
ავტორი: ექსპრესნიუსი,
epn.ge (@expressnews.ge)
