2023-08-12 15:26:49, 1060 ნახვა
მსოფლიო
მედია - საფრანგეთში მიგრანტების ნავი ჩაიძირა, დაღუპულია სულ მცირე ექვსი ადამიანი
საფრანგეთში მიგრანტების ნავი ჩაიძირა, დაღუპულია სულ მცირე ექვსი ადამიანი. აღნიშნულის შესახებ ინფორმაციას "როიტერი" ავრცელებს.
როგორც მედია წერს, არხი საფრანგეთსა და ბრიტანეთს შორის, რომლის გადაკვეთასაც ნავი ცდილობდა, არის მსოფლიოში ერთ-ერთი ყველაზე დატვირთული სატრანსპორტო ხაზი, სადაც ძლიერი დინებაა, რაც პატარა გემებით გადაკვეთასას სახიფათოა.
ადგილობრივმა მერმა, ფრანკ დარსინმა განაცხადა, რომ ფართომასშტაბიანი სამაშველო ოპერაცია ადგილობრივი დროით 06:00 საათზე დაიწყო.
„ჩვენ გადავარჩინეთ 54 ადამიანი, მათ შორის ერთი ქალი“, - აღნიშნა მოხალისემ, რომელიც ერთ-ერთ სამაშველო ნავზე იმყოფებოდა.
ავტორი: ექსპრესნიუსი,
epn.ge (@expressnews.ge)
