ბელარუსის თავდაცვის სამინისტრო პოლონეთის საჰაერო სივრცის დარღვევას უარყოფს. 

როგორც უწყების განცხადებაშია აღნიშნული, ორ ბელარუსულ სამხედრო ვერტმფრენს პოდლასკის სავოევოდოს ტერიტორიაზე საჰაერო სივრცე არ დაურღვევია, ვარშავას კი ბრალდებები "ბელარუსის საზღვართან ძალებისა და საშუალებების შეგროვების კიდევ ერთი დასაბუთებისთვის სჭირდება". 

"თავდაცვის სამინისტრო პოლონეთის მხრიდან ობიექტური კონტროლის მონაცემებით არ ადასტურებს, შეტყობინებას "ერთმა ბებიამ თქვა" სტილში განიხილავს და აღნიშნავს, რომ არ მომხდარა საჰაერო სივრცის დარღვევა",- ნათქვამია განცხადებაში.

ცნობისთვის, გუშინ, 1-ელ აგვისტოს  პოლონეთის თავდაცვის სამინისტრომ გაავრცელა ინფორმაცია, რომლის მიხედვითაც, ორმა ბელარუსულმა სამხედრო ვერტმფრენმა სასწავლო წვრთნების დროს პოლონეთის საჰაერო სივრცე დაარღვია. 

მომხდარის გამო, თავდაცვის მინისტრმა საზღვარზე ჯარისკაცების რაოდენობის გაზრდის ბრძანება გასცა. ინციდენტის შესახებ ეცნობა ჩრდილოატლანტიკურ ალიანსსაც.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა