დასავლეთ აფრიკის ქვეყანა ნიგერში სამხედროებმა ეროვნული ტელევიზიის პირდაპირ ეთერში სახელმწიფო გადატრიალების შესახებ გამოაცხადეს.

სატელევიზიო მიმართვისას პოლკოვნიკმა, ამადუ აბდრამანმა 9 ჯარისკაცთან ერთად თქვა, რომ სახელმწიფო გადატრიალება სუსტ ეკონომიკურ-სოციალურ მმართველობასა და უსაფრთხოების გართულებულ ვითარებას უკავშირდება. 

როგორც სამხედროებმა აღნიშნეს, დაშალეს კონსტიტუცია, შეაჩერეს ყველა ინსტიტუტის ფუნქციონირება და ვითარების დასტაბილურებამდე ქვეყნის საჰაერო და სახმელეთო საზღვრები ჩაკეტეს.

მათ ასევე მოუწოდეს პარტნიორებს, რომ ქვეყნის საქმეებში არ ჩაერიონ. 

”ჩვენ, თავდაცვისა და უსაფრთხოების ძალებმა... გადავწყვიტეთ, რომ ბოლო მოეღოს რეჟიმს",- თქვა აბდრამანმა მიმართვისას.

მანამდე, 26 ივლისს საპრეზიდენტო გვარდიის ჯარებმა ნიგერის პრეზიდენტი მოჰამედ ბაზუმი დააკავეს. 

ქვეყანაში შექმნილ ვითარებას უკვე გამოეხმაურა ამერიკის შეერთებული შტატები, რომლის სახელმწიფო მდივანმა, ენტონი ბლინკენმა პრეზიდენტს "ურყევი მხარდაჭერა" გამოუცხადა.

ურანით მდიდარ ქვეყანას ასევე მხარს უჭერს გაეროს გენერალური მდივანი ანტონიო გუტერეშიც.

აღსანიშნავია, რომ ნიგერის პრეზიდენტი მოჰამედ ბაზუმი, რომელიც 2021 წელს აირჩიეს, საფრანგეთის და დასავლეთის ქვეყნების ახლო მოკავშირეა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა