რუსეთის ფედერაციის პრეზიდენტმა, ვლადიმერ პუტინმა გენდერის შეცვლის პროცედურების ამკრძალავ კანონს ხელი მოაწერა. ამის შესახებ რუსული მედია იურიდიული ინფორმაციის პორტალზე დაყრდნობით იტყობინება.

განკარგულების თანახმად, სქესის შეცვლა მხოლოდ სამედიცინო დანიშნულების შემთხვევაში იქნება შესაძლებელი.

როგორც სამთავრობო-პროპაგანდისტული გამოცემა "რია ნოვოსტი" წერს, იკრძალება სამედიცინო ჩარევები, მათ შორის მედიკამენტოზური, რომლებიც სქესის შეცვლისკენ არის მიმართული.

კანონი არ ეხება იმ ტიპის ჩარევას, რომელიც "ბავშვებში თანდაყოლილი ანომალიის მკურნალობას ითვალისწინებს" და რომელსაც სამედიცინო კომისია განსაზღვრავს. 

ამავე კანონით, თუ ერთ-ერთი მეუღლე შეიცვლის სქესს, ქორწინება უქმდება. გარდა ამისა, სქესის შემცვლელს აეკრძალება ბავშვების შვილად აყვანა.

კანონის ნორმები არ ვრცელდება მათზე, ვინც მის ძალაში შესვლამდე შეიცვალა სქესი.

ჯანდაცვის მინისტრის მოადგილემ, ევგენია კოტოვამ ფედერაციის საბჭოს სოციალური პოლიტიკის კომიტეტის მიერ კანონპროექტის განხილვისას განაცხადა, რომ დოკუმენტი მოქალაქეთა კონსტიტუციურ უფლებებს არ არღვევს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა