სამხრეთ კორეაში წყალდიდობას 7 ადამიანის სიცოცხლე ემსხვერპლა, 1 500-ზე მეტი მოქალაქე კი ევაკუირებულია. აღნიშნულ ინფორმაციას Reuters-ი ქვეყნის ოფიციალურ პირებზე დაყრდნობით ავრცელებს.

გამოცემის ცნობით, სტიქიის შედეგად 3 ადამიანი ამ დრომდე უგზო-უკვლოდ დაკარგულად მიიჩნევა, 7 პირი კი დაშავებულია.

როგორც მედია წერს, რამდენიმედღიანმა კოკისპირულმა წვიმამ მეწყერი და კაშხლის ადიდება გამოიწვია.

სამხრეთ კორეის შინაგან საქმეთა და უსაფრთხოების სამინისტრო იტყობინება, ამ დროისთვის ქვეყნის მასშტაბით 1 567 ადამიანის ევაკუაცია განხორციელდა. სტიქიის მასშტაბიდან გამომდინარე, უწყება ევაკუირებულთა რიცხვის ზრდას არ გამორიცხავს. 

კორეის სარკინიგზო კორპორაციაში აცხადებენ, რომ მატარებლების მოძრაობა შეჩერებულია, რადგან ლიანდაგები დატბორილია და არსებობს კლდეების ჩამოშლის საფრთხე.

სამთავრობო უწყებებთან გამართულ შეხვედრაზე, ქვეყნის პრემიერ-მინისტრმა, ჰან დაკ-სუმ სამხედროებს სამაშველო ოპერაციაში ჩართვისა და მთავრობის წარმომადგენლებთან ერთად, აღჭურვილობისა და ცოცხალი ძალის მობილიზებისთვის მუშაობისკენ მოუწოდა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა