სამარას რეგიონიდან მთამსვლელი, რომელსაც რუსი მაშველები ყაზბეგის მთაზე 2 ივლისიდან ეძებენ, საქართველოს მესაზღვრეებს დაუკავშირდა და დახმარება სთხოვა. - ამის შესახებ რუსული მედია ჩრდილოეთ ოსეთის საგანგებო სიტუაციების სამინისტროს მთავარ სამმართველოზე დაყრდნობით იუწყება.

„2 ივლისს ყაზბეგის მთაზე დაკარგული მთამსვლელი დაუკავშირება მოხერხდა. ალპინისტის მეუღლემ დაადასტურა, რომ ის ახლა საქართველოში ფერდობზე იმყოფება. მამაკაცმა ასევე მოახერხა ქართველ მესაზღვრეებთან დაკავშირება, რომლებსაც მან უთხრა, რომ მდინარესთან ახლოს იმყოფებოდა. ახლა ადგენენ მის ზუსტ ადგილს“, - ნათქვამია განცხადებაში.

განცხადებაში აღნიშნულია, რომ ყაზბეგის რუსულ მხარეს სამძებრო-სამაშველო სამუშაოები დასრულებულია. დიდთოვლობის პირობებში მაშველებმა დაბლობზე დაშვება დაიწყეს.

საქართველოს სასაზღვრო პოლიციას რუსული დეპარტამენტის შეტყობინებაზე ჯერჯერობით კომენტარი არ გაუკეთებია. სიახლეები განახლდება დამატებითი ინფორმაციის მიღებისთანავე.

ყაზბეგზე ასვლისას მთამსვლელის გაუჩინარების შესახებ 2 ივლისის საღამოს გახდა ცნობილი. იგი სამკაციან ჯგუფში ყოფნისას დანარჩენებს ჩამორჩა და 3500 მეტრის სიმაღლეზე საკონტროლო პუნქტს ვერ მიაღწია. მთასვლელის მოსაძებნად "მი8" ვერტფრენიც იყო ჩართული.

ავტორი: ექსპრესნიუსი,

სოციალური ქსელები

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა

კახა კახიშვილი - თითქმის მთელი ქვეყნის ელექტროენერგიის გარეშე დარჩენასთან დაკავშირებით განმარტებამ კითხვებზე პასუხების ნაცვლად, მეტი ეჭვი გააჩინა

ევროკავშირის წარმომადგენლობა - მზია ამაღლობელისთვის განაჩენის გამოტანის წლისთავზე, ევროკავშირი დაუყოვნებლივ გათავისუფლებას მოითხოვს