2023-06-23 09:41:33, 2579 ნახვა
სპეციალური ანონსი
დღეს საქართველოს ოფიციალური ვიზიტით ყაზახეთის რესპუბლიკის პრემიერ-მინისტრი ეწვევა
დღეს, 23 ივნისს საქართველოს ოფიციალური ვიზიტით ყაზახეთის რესპუბლიკის პრემიერ-მინისტრი ალიხან სმაილოვი ეწვევა. აღნიშნულ ინფორმაციას მთავრობის ადმინისტრაცია ავრცელებს.
ყაზახეთის რესპუბლიკის პრემიერ-მინისტრის ოფიციალური დახვედრის ცერემონია მთავრობის ადმინისტრაციაში გაიმართება.
"ვიზიტის ფარგლებში დაგეგმილია საქართველოსა და ყაზახეთის პრემიერ-მინისტრების პირისპირ და გაფართოებულ ფორმატებში შეხვედრა.
12:30 საათზე საქართველოს პრემიერ-მინისტრი ირაკლი ღარიბაშვილი და ყაზახეთის პრემიერ-მინისტრი ალიხან სმაილოვი მედიისთვის ერთობლივ განცხადებებს გააკეთებენ",- აღნიშნულია მთავრობის ადმინისტრაციის ინფორმაციაში.
ავტორი: ექსპრესნიუსი,
epn.ge (@expressnews.ge)
