ესტონეთის პარლამენტმა მიიღო ცვლილებები, რომლებიც ერთსქესიან წყვილებს ქორწინების უფლებას აძლევს. ამის შესახებ ადგილობრივი გამოცემა ERR.ee იტყობინება.

კანონპროექტს მხარი 55-მა დეპუტატმა დაუჭირა, წინააღმდეგ – 34, ხოლო ერთმა თავი შეიკავა. გარდა ქორწინებისა, ჰომოსექსუალ პარტნიორებს უფლება ჰქონდათ შვილები აეყვანათ მეორე ბიოლოგიური მშობლის თანხმობით. ძალაში რჩება ასევე კოჰაბიტაციის შეთანხმების დადების შესაძლებლობა, რომელიც ესტონეთის კანონმდებლობაში 2016 წელს იქნა დაფიქსირებული.

ერთსქესიანთა ქორწინების კანონი ძალაში 2024 წლის 1 იანვრიდან შევა.

ესტონეთი გახდა პირველი პოსტსაბჭოთა ქვეყანა, რომელმაც დააკანონა ერთნაირსქესიანთა ქორწინება. 2023 წლის მონაცემებით, ჰომოსექსუალური ურთიერთობები შეიძლება ლეგალური იყოს კიდევ 34 ქვეყანაში, მათ შორის შეერთებულ შტატებში, სლოვენიასა და კუბაში. საზღვარგარეთ ჩატარებული ერთსქესიანი ქორწინებები ასევე აღიარებულია ისრაელის მიერ.

2022 წლის დეკემბრიდან რუსეთმა აკრძალა ჰომოსექსუალობის, ბისექსუალობისა და ტრანსგენდერობის შესახებ პოზიტიური ინფორმაციის გავრცელება. ამისათვის გათვალისწინებულია ჯარიმები 400 ათას რუბლამდე მოქალაქეებისთვის და ხუთ მილიონ რუბლამდე ორგანიზაციებისთვის.

2017 წელს საქართველოს კონსტიტუციაში "ქართული ოცნების" უმრავლესობამ ქორწინება განისაზღვრა როგორც ქალისა და მამაკაცის კავშირი ოჯახის შექმნის მიზნით.

ავტორი: ექსპრესნიუსი,

სოციალური ქსელები

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა

კახა კახიშვილი - თითქმის მთელი ქვეყნის ელექტროენერგიის გარეშე დარჩენასთან დაკავშირებით განმარტებამ კითხვებზე პასუხების ნაცვლად, მეტი ეჭვი გააჩინა

ევროკავშირის წარმომადგენლობა - მზია ამაღლობელისთვის განაჩენის გამოტანის წლისთავზე, ევროკავშირი დაუყოვნებლივ გათავისუფლებას მოითხოვს