რუსეთის ფედერაციის თავდაცვის სამინისტრო ამტკიცებს, რომ  ბელგოროდის ტერიტორიაზე "შეჭრილი 70-ზე მეტი უკრაინელი ტერორისტი" გაანადგურეს.

თავდაცვის სამინისტროს ოფიციალური წარმომადგენლის, იგორ კონაშენკოვის განცხადებით, ამასთან ერთად, 4 ჯავშანტექნიკა და 5 პიკაპი განადგურდა.

"კონტრტერორისტული ოპერაციის დროს ნაციონალისტური ფორმირებები დაბლოკეს და დაამარცხეს საჰაერო დარტყმებით, საარტილერიო ცეცხლით და დასავლეთ სამხედრო ოლქის სახელმწიფო საზღვრის დამცავი ქვედანაყოფების აქტიური მოქმედებებით“,- განაცხადა თავდაცვის უწყების წარმომადგენელმა.

შეგახსენებთ, ბელგოროდის ოლქში კონტრტერორისტული ოპერაციის რეჟიმი გუშინ, 22 მაისს ამოქმედდა. ამის შესახებ ინფორმაცია ოლქის გუბერნატორმა, ვიაჩისლავ გლადკოვმა  "ტელეგრამ-არხზე" გაავრცელა.

მანამდე უკრაინის თავდაცვის სამინისტროს მთავარი სადაზვერვო სამმართველოს წარმომადგენელმა, ანდრეი იუსოვმა Suspilna-ს განუცხადა, რომ "რუსეთის თავისუფლების" ლეგიონმა და "რუსეთის მოხალისეთა კორპუსმა" ბელგოროდში ოპერაციის განხორციელება დაიწყო. მან ხაზგასმით აღნიშნა, რომ ოლქში "ექსკლუზიურად რუსეთის მოქალაქეები" შევიდნენ.

ავტორი: ექსპრესნიუსი,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს