უკრაინის პრეზიდენტი ვოლოდიმირ ზელენსკი საუდის არაბეთში ჩავიდა. აღნიშნულის შესახებ ინფორმაციას ვოლოდიმირ ზელენსკი სოციალურ ქსელში ავრცელებს.

ზელენსკის თქმით, ვიზიტის მიზანი უკრაინის სამშვიდობო ფორმულის წარდგენა, დროებით ოკუპირებული ტერიტორიების და ყველა  უკანონოდ დეპორტირებულის უკრაინაში დაბრუნებაა.

"ჩავედი საუდის არაბეთში. ვისაუბრებ არაბული ლიგის სამიტზე, შევხვდები მემკვიდრე პრინც მუჰამედ ბინ სალმან ალ-საუდს და გავმართავ სხვა ორმხრივ მოლაპარაკებებს.

ჩვენი პრიორიტეტებია ყირიმის და დროებით ოკუპირებული ტერიტორიების, ყველა პოლიტპატიმრის, პატიმრისა და უკანონოდ დეპორტირებულის დაბრუნება, ჩვენი სამშვიდობო ფორმულის წარდგენა, რომლის განხორციელებაშიც უნდა ჩაერთოს რაც შეიძლება მეტი სახელმწიფო, შემდგომში ენერგეტიკული უსაფრთხოების გარანტია.

კიდევ ერთი პრიორიტეტი უკრაინის მუსლიმური თემის დაცვაა. ჩვენთან ერთად არის მუსტაფა ძემილევი, ყირიმელი თათრების ლიდერი. ყირიმი იყო პირველი, ვინც დაზარალდა რუსული ოკუპაციისგან და მათი უმეტესობა, ვინც ოკუპირებულ ყირიმში რეპრესიებს ექვემდებარება, მუსლიმები არიან",- წერს ზელენსკი. 

ავტორი: ექსპრესნიუსი,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს