Twitter Inc-ის აღმასრულებელმა დირექტორმა ელონ მასკმა გაავრცელა ინფორმაცია ახალი ფუნქციების შესახებ, რომლებიც მალე სოციალურ ქსელში იქნება, - იტყობინება Reuters.

ცვლილებების აუცილებლობაზე ილონ მასკმა Twitter-ზე გასულ წელს ისაუბრა. შემდეგ კომპანიის ხელმძღვანელმა გამოაცხადა გეგმა "Twitter 2.0 The Everything App", რომელსაც ექნება ისეთი ფუნქციები, როგორიცაა დაშიფრული პირდაპირი შეტყობინებები, გრძელი ტვიტები და გადახდების შესაძლებლობა.

 სოციალურმა ქსელმა Twitter-მა უკვე გაზარდა სიმბოლოების ლიმიტი 10000-მდე Twitter Blue მომხმარებლებისთვის აშშ-ში.

"ხმოვანი და ვიდეო ჩატი ნებისმიერთან ამ პლატფორმაზე მალე მოვა, ასე რომ თქვენ შეგიძლიათ ესაუბროთ ადამიანებს მსოფლიოს ნებისმიერ წერტილში, ტელეფონის ნომრის მიცემის გარეშე", - წერს მასკი.

Twitter-ის დარეკვის ფუნქცია მიკრობლოგის პლატფორმას დააკავშირებს სოციალური მედიის აპებთან Meta (META.O), Facebook და Instagram, რომლებსაც აქვთ მსგავსი ფუნქციები.

ელონ მასკმა აღნიშნა, რომ დაშიფრული პირდაპირი შეტყობინებების ვერსია ხელმისაწვდომი იქნება Twitter-ზე ოთხშაბათიდან, მაგრამ არ უთქვამს, დაშიფრული იქნება თუ არა ზარები.

ამ კვირაში კომპანიამ გამოაცხადა, რომ დაიწყებს ანგარიშების წაშლას, რომლებიც რამდენიმე წელია არ იყო აქტიური.

15 აპრილიდან Twitter-მაც შემოიღო შეზღუდვები: გამოკითხვაში მონაწილეობა მხოლოდ ვერიფიცირებულ ანგარიშებს შეეძლებათ.

შეგახსენებთ, რომ ილონ მასკმა Twitter 44 მილიარდ დოლარად შეიძინა გასული წლის ნოემბერში. თანამშრომლებისადმი თავის პირველ მიმართვაში მან გამოაცხადა შესაძლო გაკოტრება, თუ სოციალური ქსელი არ დაიწყებს მეტი ფულის შემოტანას.

ავტორი: ექსპრესნიუსი,

სოციალური ქსელები

ოცნების აღვირახსნილი კორუფცია და თავისუფლებაზემყოფი ბიუჯეტის ქურდები

გაზრდილი მშპ და კატასტროფული ინფლაცია - ეკონომიკის მადგომარეობა 2025 წელს

ხვალიდან შორ მანძილზე მგზავრთა გადაყვანა მიკროავტობუსებით აიკრძალება

2025 წელი - რეჟიმის მიერ მტრად გამოცხადებული მედია