2023-04-21 16:20:29, 1089 ნახვა
მსოფლიო
დიდი ბრიტანეთის ვიცე-პრემიერი თანამშრომლების მიმართ შეურაცხყოფის ბრალდებების გამო თანამდებობიდან გადადგა
დიდი ბრიტანეთის ვიცე-პრემიერი და იუსტიციის მინისტრი დომინიკ რააბი თანამშრომლების მიმართ შეურაცხყოფის ბრალდებების გამო გადადგა.
BBC-ის ცნობით, დიდი ბრიტანეთის ვიცე-პრემიერს 24 თანამშრომელი, აგრესიულ მოპყრობასა და შეურაცხმყოფელ დამოკიდებულებაში ადანაშაულებს.
რაც შეეხება თავად დომინიკ რააბს, ის წაყენებულ ბრალდებებს უარყოფს და აცხადებს, რომ გამოძიების მიერ გამოქვეყნებული ანგარიში "საშიშ პრეცენდენტს" ქმნის და ამასთან ერთად აღნიშნავს, რომ მინისტრს უნდა ჰქონდეს უფლება, რომ თანამშრომლების საქმიანობაზე კრიტიკული რეაგირება ჰქონდეს.
„მინისტრებს უნდა ჰქონდეთ უფლება, კრიტიკული რეაგირება მოახდინონ თანამშრომლების საქმიანობაზე“, - წერს რააბი და პრემიერ-მინისტრ რიში სუნაკს გადადგომის თხოვნით მიმართავს.
ავტორი: ექსპრესნიუსი,
epn.ge (@expressnews.ge)
