დიდმა ბრიტანეთმა რუსი ოპოზიციონერის, ვლადიმერ კარა-მურზას მოწამვლისა და დაპატიმრების საქმეზე ხუთ პირს სანქციები დაუწესა. აღნიშნულის შესახებ განცხადებას დიდი ბრიტანეთის საგარეო უწყების ხელმძღვანელი ჯეიმს კლევერლი ავრცელებს.

მისი თქმით, სანქცირებულ პირებს შორის არიან რუსი გამომძიებლები და მოსამართლე და უსაფრთხოების სამსახურის ორი აგენტი, რომლებსაც კავშირი აქვთ 2015 და 2017 წელს ოპოზიციონერი პოლიტიკოსის მოწამვლასთან.

"რუსეთის მიერ ვლადიმერ კარა-მურზას მიმართ მოპყრობა კიდევ ერთხელ აჩვენებს მის სრულ ზიზღს ადამიანის ძირითადი უფლებების მიმართ. დღეს მის საქმესთან დაკავშირებული ხუთი პირია სანქცირებული, რაც მკაფიო მესიჯს აგზავნის, რომ დიდი ბრიტანეთი არ დაუჭერს მხარს ერთ-ერთი მოქალაქის მიმართ ასეთ მოპყრობას.

გაერთიანებული სამეფო გააგრძელებს ბატონ კარა-მურზასა და მის ოჯახს მხარდაჭერას. მოვუწოდებ რუსეთს დაუყოვნებლივ და უპირობოდ გაათავისუფლოს იგი",- განაცხადა კლევერლიმ.

მისივე თქმით, სანქციები ითვალისწინებს აქცივების გაყინვასა და დიდ ბრიტანეტში მოგზაურობის აკრძალვას.

შეგახსენებთ, რომ 17 აპრილს,მოსკოვის საქალაქო სასამართლომ რუს ოპოზიციონერ აქტივისტს, პოლიტიკოსს და პუბლიცისტს ვლადიმერ კარა-მურზას 25 წლით თავისუფლების აღკვეთა მიუსაჯა. მას ბრალად რუსული არმიის დისკრედიტაცია, რუსეთში არასასურველ ორგანიზაციებთან თანამშრომლობა და სახელმწიფოს ღალატი დასდეს .​

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა