ეგვიპტის პრეზიდენტმა აბდელ ფატაჰ ელ-სისიმ, ახლახანს უბრძანა თავის ქვეშევრდომებს დაემზადებინათ 40000-მდე რაკეტა რუსეთისთვის, - ამის შესახებ Washington Post, წერს პენტაგონზე დაყრდნობით. 

 ეგვიპტე არის, ახლო აღმოსავლეთში აშშ-ს ერთ-ერთი უახლოესი მოკავშირე  და აშშ-ს დახმარების მთავარი მიმღები.

გამოცემის ცნობით, 17 თებერვლით დათარიღებულ დოკუმენტში, სახელწოდებით "საიდუმლო", სისისა და ეგვიპტის მაღალჩინოსნებს შორის  საუბრებია მოხსენიებული, ასევე მითითებულია რუსეთისთვის საარტილერიო ჭურვებისა და დენთის მიწოდების გეგმები. დოკუმენტის მიხედვით, სისიმ ოფიციალურ პირებს დაავალა, რომ ჭურვების წარმოება და გადაზიდვა გასაიდუმლოებულიყო „დასავლეთთან პრობლემების თავიდან ასაცილებლად“.

ამ გაჟონვის კომენტირებისას ეგვიპტის ხელისუფლებამ ჟურნალისტებს განუცხადა, რომ ისინი იცავენ უკრაინის ომში ჩაურევლობის პოზიციას და მოუწოდებენ ყველა მხარეს შეწყვიტონ ცეცხლი. აშშ-ის მთავრობის წარმომადგენელმა, ანონიმურობის პირობით, განაცხადა, რომ, როგორც ჩანს, მიწოდების გეგმა არ განხორციელებულა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს