კრემლი არ არის დაინტერესებული ლეგიტიმური მოლაპარაკებებით და ნებისმიერი სახის მოლაპარაკებებზე პასუხისმგებლობას დასავლეთს აკისრებს,- აღნიშნულის შესახებ ინფორმაციას ომის შემსწავლელი ინსტიტუტი (ISW) ავრცელებს.

ISW-მ ეს ანგარიში მას შემდეგ გამოაქვეყნა, რაც რუსეთის საგარეო საქმეთა მინისტრი სერგეი ლავროვი თურქეთში ჩავიდა და ანკარაში ვიზიტის დროს განაცხადა, რომ "რუსეთი არ აცხადებს უარს მოლაპარაკებებზე, თუ გათვალისწინებული იქნება მოსკოვის კანონიერი ინტერესები".

ანალიტიკოსების თქმით, კრემლი სავარაუდოდ, გააქტიურებს საინფორმაციო ოპერაციებს, რათა გააძლიეროს ზეწოლა დასავლეთზე და აიძულოს უკრაინა დაბრუნდეს სამშვიდობო მოლაპარაკებების მაგიდასთან მოსკოვისთვის ხელსაყრელი პირობებით.

"უკრაინაში ახალი ოკუპირებული ტერიტორიების დაკარგვის შიშმა უკრაინაში მოსალოდნელი კონტრშეტევების დროს, შესაძლოა, კრემლი აიძულოს, გააძლიეროს მიმდინარე საინფორმაციო ოპერაცია, რაც მიზან ისახავს, დასავლეთი აიძულოს, უკრაინას შესთავაზოს დათმობები და აიძულოს მოლაპარაკებების მაგიდასთან დაბრუნება მოსკოვისთვის ხელსაყრელი პირობებით",-აღნიშნულია ანგარიშში.

ანალიტიკოსების თქმითვე, კრემლი ინარჩუნებს პუტინის თავდაპირველ მაქსიმალისტურ მიზნებს უკრაინაში ომის მიმართ და ამტკიცებს, რომ რუსეთის „ლეგიტიმური“ ინტერესები უკრაინის ტერიტორიის უკანონო ანექსიის საერთაშორისო აღიარებას და რეჟიმის შეცვლას მოიცავს, რომელიც კიევში შეიცავს მოწოდებებს უკრაინის „დენაზიფიკაციისა“ და „დემილიტარიზაციის“ შესახებ რუსეთის მხრიდან.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს