2023-03-30 09:16:22, 1462 ნახვა
მსოფლიო
ერდოღანი - შესაძლოა, 27 აპრილს, ბატონი პუტინი თურქეთში ჩამოვიდეს
შესაძლოა, 27 აპრილს, ბატონი პუტინი თურქეთში ჩამოვიდეს,- ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.
მისი თქმით, პუტინი, შესაძლოა, დაესწროს "როსატომის" მიერ აშენებული ატომური ელექტროსადგურის ინაუგურაციას.
“ვლადიმერ პუტინი, შესაძლოა, 27 აპრილს თურქეთში ჩამოფრინდეს გახსნის ცერემონიალზე დასასწრებად, ან ცერემონიაში მონაწილეობა ონლაინ მიიღოს",- განაცხადა ერდოღანმა.
ამასთან, კრემლმა უარყო თურქული ინფორმაცია იმის შესახებ, რომ პუტინი თურქეთში ვიზიტს გეგმავს.
მათი განცხადებით, პუტინმა და ერდოღანმა სატელეფონო საუბრისას განიხილეს ერთობლივი სტრატეგიული პროექტების წარმატებით განხორციელება ენერგეტიკის სექტორში.
ავტორი: ექსპრესნიუსი,
epn.ge (@expressnews.ge)
