ისრაელის პრემიერ-მინისტრმა ბენიამინ ნეთანიაჰუმ გადაწყვიტა სასამართლო რეფორმის საკამათო კანონპროექტის მეორე და მესამე მოსმენა პარლამენტის მომავალ სესიამდე გადადოს.

”ერში განხეთქილების თავიდან აცილების მიზნით, მე გადავწყვიტე მეორე და მესამე მოსმენის გადადება, რათა მივაღწიოთ ფართო კონსენსუსს”, - თქვა მან სატელევიზიო მიმართვაში.

მანამდე, გადაწყვეტილება რეფორმის გადადების შესახებ ქნესეტის ზაფხულის სესიამდე გამოაცხადა ულტრამემარჯვენე ებრაული ძალაუფლების პარტიამ, რომელიც სამთავრობო კოალიციის ნაწილია.

„მე დავთანხმდი ვეტოს მოხსნას პრემიერ-მინისტრ ბენიამინ ნეთანიაჰუს დაპირების სანაცვლოდ, რომ კანონპროექტი მომდევნო სესიაზე დასამტკიცებლად ქნესეტს წარედგინება“, - თქვა ისრაელის ეროვნული უსაფრთხოების მინისტრმა და ებრაული ძალების ლიდერმა იტამარ ბენ-გვირმა.

ისრაელში, უკვე მესამე თვეა, საპროტესტო აქციები არ ცხრება იმის გამო, რომ მთავრობა გეგმავს უზენაესი სასამართლოს უფლებამოსილების შეზღუდვას. ახლა სასამართლოს აქვს შესაძლებლობა დაბლოკოს პარლამენტის გადაწყვეტილებები, თუ მათ უკანონოდ მიაჩნია.

საპროტესტო აქციები მიმდინარე წლის დასაწყისიდან დაიწყო, მაგრამ გასულ კვირას ის უფრო მასშტაბური გახდა. კვირას და ორშაბათს ათიათასობით ადამიანი შეიკრიბა იერუსალიმში, ქნესეტის შენობასთან.

რეფორმის წინააღმდეგ პროტესტის ნიშნად ქვეყანაში საყოველთაო გაფიცვა გამოცხადდა, რომელსაც ტრანსპორტის მუშები, ექიმები, საჯარო მოხელეები, ბანკირები და კერძო კომპანიების თანამშრომლები შეუერთდნენ.

შედეგად, თითქმის ყველა დაწესებულების მუშაობა პარალიზებული იყო - შეჩერდა ფრენები ქვეყნის მთავარი საერთაშორისო აეროპორტიდან, ბენ გურიონიდან, შეწყვიტა მუშაობა ქვეყნის მთავარმა პორტებმაც. მაკდონალდსის რესტორნებიც კი დაიხურა.

ნეთანიაჰუს განცხადების შემდეგ ისრაელის პროფკავშირების ფედერაციამ ჰისტადრუტმა გენერალური გაფიცვის დასრულება გამოაცხადა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს