17:50 - 29 Mar, 2024
რეკლამა/ხელმოწერა
2023-03-25 17:04:19, 724 ნახვა

სხვადასხვა
მაკრონმა საპენსიო რეფორმის შესახებ ინტერვიუს დროს ძვირადღირებული საათი მოიხსნა - მას ფარისევლობაში ადანაშაულებდნენ

საფრანგეთის პრეზიდენტი ემანუელ მაკრონი კრიტიკის ქვეშ მოექცა მას შემდეგ, რაც მან სატელევიზიო ინტერვიუს დროს თავისი მაგიდის ქვეშ ძვირადღირებული საათი მოიხსნა, ინციდენტი საპენსიო რეფორმის შესახებ, სატელევიზიო ინტერვიუს დროს მოხდა.

ინტერვიუს ეთერში გასვლის შემდეგ მაკრონის პრესსამსახურმა განაცხადა, რომ საფრანგეთის პრეზიდენტმა საათი მოიხსნა, რადგან მაგიდას მიარტყა.

საფრანგეთში საპენსიო ასაკის გაზრდის საპრეზიდენტო ინიციატივის გამო საპროტესტო აქციები გაჩაღდა. მაკრონს მისი 62-დან 64-მდე გაზრდა სურს.

ინტერვიუ ოთხშაბათს იყო გადაღებული - მაკრონს დაუსვეს შეკითხვა, რის შემდეგაც მან უეცრად ხელები მაგიდაზე ჩამოწია და ზედაპირზე საათის დარტყმის ხმა გაისმა. შემდეგ მაკრონმა ხელები მაგიდის ქვეშ, დაწია საათი მოიხსნა და ხელები მაგიდაზე ლაპარაკის შეწყვეტის გარეშე დადო,  როცა მაყურებლებმა ხელახლა დაინახეს ხელები, საათი გაქრა.

მაკრონის ჟესტმა კრიტიკოსებისა და ოპოზიციის ყურადღება მიიპყრო. მემარცხენე „დამორჩილებული საფრანგეთის“ დეპუტატმა კლემენ გუეტმა პრეზიდენტი ფარისევლობაში დაადანაშაულა.

"მდიდრების პრეზიდენტს ასეთი მეტსახელი არასდროს ჰქონია", - გამოეხმაურა მისი პარტიული კოლეგა ფარიდა ამრანი.

ინტერვიუდან მალევე სოციალურ მედიაში გავრცელდა პრეტენზია, რომ პრეზიდენტის საათი დაახლოებით 86 000 დოლარი ღირდა, მაგრამ ელისეის სასახლემ თქვა, რომ ეს ტყუილი ინფორმაციაა. მაკრონის საათის ბრენდს ელისეის სასახლეში დაარქვეს - Bell & Ross BR V1-92 პირადი გერბით. მსგავსი მოდელები გერბის გარეშე შეგიძლიათ შეიძინოთ ონლაინ 2400 ევროდ ($2600; £2100).

„ამ საათს ის რეგულარულად ატარებს წელიწადნახევრის განმავლობაში“, - დასძინეს ელისეის სასახლეში.

საფრანგეთში გრძელდება საპროტესტო აქციები მთავრობის გადაწყვეტილების გამო საპენსიო ასაკის გაზრდის შესახებ კანონპროექტის მიღებაზე პარლამენტის ქვედა პალატის მეშვეობით, სადაც მას აბსოლუტური უმრავლესობა არ აქვს, ხმის გარეშე. პარასკევს ბრიტანეთის მეფე ჩარლზ III-მ საფრანგეთში ვიზიტი საპროტესტო აქციების გამო გააუქმა.

პროფკავშირების ლიდერები საპროტესტო აქციების გაგრძელებისკენ მოუწოდებენ, რათა ქვეყანაში საპენსიო ასაკი 62-დან 64 წლამდე არ გაიზარდოს. შემდეგი აქცია სამშაბათს არის დაგეგმილი.

ხუთშაბათს მილიონზე მეტი მომიტინგე გამოვიდა ქვეყნის მასშტაბით ქალაქების ქუჩებში, მათგან დაახლოებით 120 000 პარიზში, შინაგან საქმეთა სამინისტროს ცნობით. დედაქალაქში დემონსტრაციები ადგილებზე არეულობაში გადაიზარდა და პოლიციამ მომიტინგეების დასაშლელად ცრემლსადენი გაზი გამოიყენა.

ქვეყნის მასშტაბით 475 ადამიანი დააკავეს და 441 პოლიციელი დაშავდა.




ავტორი: ექსპრესნიუსი,


სოციალური ქსელები
სუს-მა ქრთამის აღების ფაქტზე გადაუდებელი დახმარების ცენტრის 3 ყოფილი თანამშრომელი დააკავა
სააკაშვილი - უცხოეთში მცხოვრები თანამემამულეებისთვის დამატებითი უბნების გახსნის საკითხს მთლიანად ვუჭერ მხარს
კობახიძე პრეზიდენტზე - არ აქვს მორალური უფლება, ხვდებოდეს ცესკოს თავმჯდომარეს და საუბრობდეს არჩევნებზე
ტაჯიკეთში ტერორისტებთან კავშირში ეჭვმიტანილი ცხრა ადამიანი დააკავეს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics