2023-03-25 13:48:53, 1387 ნახვა
მსოფლიო
უკრაინის მხარდაჭერისთვის ზელენსკიმ ლანდსბერგისი ორდენით დააჯილდოვა
უკრაინის პრეზიდენტმა ვოლოდიმირ ზელენსკიმ ლიეტუვის საგარეო საქმეთა მინისტრი, გაბრიელიუს ლანდსბერგისი იაროსლავ ბრძენის სახელობის III ხარისხის ორდენით დააჯილდოვა.
ზელენსკიმ მადლობა გადაუხადა მას და ლიეტუვას მხარდაჭერისთვის.
"ამას არასდროს დავივიწყებთ. უკრაინაში ყოველთვის მოგესალმებიან",- განაცხადა ზელენსკიმ.
ლანდსბერგისი მომხდარს Twitter-ზე გამოეხმაურა და დაწერა, რომ ეს ჯილდო ლიეტუველი ხალხის უკრაინისადმი გამოჩენილი ურყევი მხარდაჭერის აღიარებაა.
"ეს ჯილდო არის აღიარება იმ უზარმაზარი, გულწრფელი და ურყევი მხარდაჭერისა, რომელსაც ლიეტუვის ხალხი უწევს უკრაინას. მე ვამაყობ, რომ ეს ჯილდო სახლში მიმაქვს", - წერს ლანდსბერგისი.
ავტორი: ექსპრესნიუსი,
epn.ge (@expressnews.ge)
