ჩინეთის შეიარაღებული ძალების განცხადებით, ამერიკის შეერთებული შტატების სამხედრო ხომალდი „მილიუსი“ სამხრეთ ჩინეთის ზღვაში, პარასელის კუნძულების მიმდებარე წყლებში უკანონოდ შევიდა. აღნიშნულ ინფორმაციას Reuters-ი ავრცელებს.

როგორც სამხედროები ამბობენ, ხომალდი ჩინეთის ტერიტორიული წყლებიდან უკვე გააძევეს.

"საომარ მოქმედებათა თეატრის ძალები ყოველთვის შეინარჩუნებენ მზადყოფნას და მიიღებენ ყველა საჭირო ზომას ეროვნული სუვერენიტეტის, უსაფრთხოების, მშვიდობისა და სტაბილურობის მტკიცედ დასაცავად სამხრეთ ჩინეთის ზღვაში", - განაცხადა ჩინეთის სამხრეთ თეატრის სარდლობის სპიკერმა, ტიან ჯუნლიმ.

აღსანიშნავია, რომ თავად ამერიკის შეერთებული შტატების საზღვაო ძალები ხომალდის გაძევების შესახებ ჩინეთის განცხადებას უარყოფს და ამბობს, რომ გამანადგურებელი სამხრეთ ჩინეთის ზღვაში "რუტინულ ოპერაციებს" ახორციელებს. 

„აშშ გააგრძელებს ფრენას, ცურვას და ოპერირებას იქ, სადაც საერთაშორისო სამართალი იძლევა საშუალებას“, - ნათქვამია აშშ-ის საზღვაო ძალების მე-7 ფლოტის განცხადებაში.

ცნობისთვის, ამერიკის შეერთებულ შტატებსა და ჩინეთს შორის ურთიერთობა ტაივანის გამო გასული წლის აგვისტოში კიდევ უფრო დაიძაბა. დაძაბულობამ პიკს ტაივანში შეერთებული შტატების წარმომადგენელთა პალატის იმჟამინდელი სპიკერის, ნენსი პელოსის ვიზიტის დროს მიაღწია. ბოლო 25 წლის განმავლობაში, პირველი ამერიკელი მაღალჩინოსნის კუნძულზე ჩასვლას ჩინეთმა „სრული ფარსი“ უწოდა და აშშ „დემოკრატიის საფარქვეშ ჩინეთის სუვერენიტეტის შელახვაში“ დაადანაშაულა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს