რესპუბლიკური საავადმყოფოს მდებარეობის შენარჩუნება, ახალი კლინიკის მშენებლობა და გაძლიერება არაერთი მიმართულებით, არის ჩვენთვის მთავარი სტრატეგიული პრიორიტეტი და ამ მიმართულებით მუშაობა გაგრძელდება, - ასე გამოეხმაურა ჯანდაცვის მინისტრის მოადგილე, თამარ გაბუნია კლინიკის პერსონალის მიერ გავრცელებულ ღია წერილს, სადაც აღნიშნული იყო, რომ 1000-მდე თანამშრომელს უმუშევრად დარჩენა ემუქრებოდა.

გაბუნიამ ასევე ხაზგასმით აღნიშნა, რომ მუშაობის პროცესში იქნება გარდამავალი ეტაპები, მაგრამ მიუხედავად ამისა, უფლებები როგორც ანაზღაურების, ისე დასაქმების იქნება დაცული.

მან დასძინა, რომ დეტალური გეგმა, რომელიც ახლა მზადდება განხილული იქნება რესპუბლიკური საავადმყოფოს თანამშრომლებთან ერთად.

“რესპუბლიკური საავადმყოფო არის და იქნება სახელმწიფოსთვის ჯანდაცვის სერვისების მიწოდების მთავარი საყრდენი, ამდენად მუშაობა მიმდინარეობს სწორედ ამ მიმართულებით. რესპუბლიკური საავადმყოფოს მდებარეობის შენარჩუნება, ახალი კლინიკის მშენებლობა და გაძლიერება არაერთი მიმართულებით, არის ჩვენთვის მთავარი სტრატეგიული პრიორიტეტი და ამ მიმართულებით მუშაობა გაგრძელდება.

უფლებები როგორც ანაზღაურების, ისე დასაქმების, ასევე ის, რომ პროფესიონალები, რომლებიც დღეს მუშაობენ რესპუბლიკურ საავადმყოფოში, გააგრძელონ მათი საქმიანობის შესრულებას გარდამავალ პერიოდში, ეს ყველაფერი არის განხილვის ფაზაში. დეტალური გეგმა, რომელიც ახლა მზადდება განხილული იქნება რესპუბლიკური საავადმყოფოს თანამშრომლებთან ერთად“, – განაცხადა გაბუნიამ.

შეგახსენებთ, გუშინ გავრცელდა ღია წერილი, სადაც კლინიკის თანამშრომლებმა განაცხადეს, რომ ჯანდაცვის მინისტრმა დააანონსა რესპუბლიკურის შენობის ნგრევა, მისი მდებარეობის და კონცეფციის გაურკვეველი პერსპექტივით.

კლინიკის თანამშრომლები, მუშაობის ხელშეშლაზე საუბრობენ, რომლის გამოც კლინიკის 1000 - ზე მეტ თანამშრომელს უმუშევრად დარჩენა ემუქრება.

ავტორი: ექსპრესნიუსი,

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა