მოლდოვამ რუსული კომპანია „გაზპრომისგან“ ბუნებრივი აირის მიღებაზე უარი თქვა,- აღნიშნულის შესახებ მოლდოვის ენერგეტიკის მინისტრმა, ვიქტორ პარლიკოვმა განაცხადა.

პარლიკოვის თქმით, რუსეთ-უკრაინის ომის დაწყებიდან მოლდოვამ რუსულ ბუნებრივ რესურსებზე დამოკიდებულება შეამცირა და 2022 წლის დეკემბრიდან დღემდე რუსული ბუნებრივი აირი მოლდოვის გავლით მხოლოდ ოკუპირებულ დნესტრისპირეთს მიეწოდებოდა.

მისივე თქმით, დნესტრისპირეთი არასდროს უხდიდა გაზპრომს მიღებული ბუნებრივი აირის საფასურს.

"დნესტრისპირეთს აქამდე არასდროს გადაუხდია ბუნებრივი აირის საფასური და არც ახლა იხდის. გაზპრომი მიჩვეულია მისგან ვალებს. თუმცა მოლდოვის სხვა რეგიონებთან მიმართებაში ის ბუნებრივი აირის მიწოდების შეწყვეტით შანტაჟს მიმართავს",- განაცხადა პარლიკოვმა.

ენერგეტიკის მინისტრის თქმითვე, ევროპის რეკონსტრუქციისა და განვითარების ბანკის $300 მლნ-იანი კრედიტის წყალობით, მოლდოვამ შეძლო დასავლეთის ქვეყნებისგან მიწოდების უზრუნველყოფა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს