მიმდინარე კვირაში აშშ რუსეთის წინააღმდეგ ახალ სანქციებს გამოაცხადებს - ამის შესახებ, აშშ-ს პრეზიდენტმა ჯო ბაიდენმა ვარშავაში, მეფის სასახლეში გამოსვლისას განაცხადა.

მისი თქმით, ომის დაწყებაში ყველა პასუხისმგებელი პირი პასუხს აგებს.

"ჩვენ ყველაფერს ვაკეთებთ, რომ რუსეთმა მძიმე ფასი გადაიხადოს. და ამ კვირაში ჩვენ გამოვაცხადებთ ახალ სანქციებს, მივიყვანთ პასუხისმგებელ პირებს ამ ომის დაწყებაში. ჩვენ დავსჯით მათ, ვინც ჩაიდინა ომის და კაცობრიობის წინააღმდეგ ჩადენილი დანაშაულებები." - განაცხადა ბაიდენმა.

აშშ-ს პრეზიდენტის თქმით, თავისუფლების დაცვა არ არის მხოლოდ ერთი დღე ან ერთი წელი. მან აღნიშნა რომ უკრაინა აგრძელებს ბრძოლას და თავის დაცვას და უკრაინელები ამისთვის მზად არიან. 

„თავისუფლებაზე ამაღლებული არაფერია, თავისუფლებაზე ძვირფასი არაფერია. ყველაფერი, რასაც დღეს ვაკეთებთ, არის ყველაფერი იმისათვის, რომ ჩვენმა შვილებმა და შვილიშვილებმა იცხოვრონ თავისუფლებაში. ჩვენ ვართ სინათლის მხარეს და არა სიბნელის. ჩვენი მიზანია განთავისუფლება და არა ჩაგვრა. თავისუფლება და არა მონობა“. - განაცხადა ჯო ბაიდენმა

გამოსვლის ბოლოს ბაიდენმა მადლობა გადაუხადა უკრაინელ დამცველებს და პოლონეთს უკრაინელების მხარდაჭერისთვის.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს